O martes día 20 de xuño desprazámonos a Forcarei para participar dunha festa conxunta co CEIP Nosa Señora das Dores para celebrar o:
FIN DE CURSO!!!
QUE COMO O PASAMOS??
AS IMAXES FALAN POR SI MESMAS
SAÍDA LÚDICO-DIDÁCTICA AO GROVE
O luns día 19 de xuño o alumnado e profesorado do CEIP Soutelo de Montes desprazouse á península do Grove para realizar unha visita lúdico-didáctica onde realizamos unha serie de actividades nas que aprendimos moito, pero tamén o pasamos xenial!!
Entre as actividades máis destacadas da xornada estiveron:
Visita ao Acuario do Grove
Paseo en tren turístico polo Grove (incluída á illa da Toxa)
Paseo en barco pola ría.
Aquí vos deixamos un vídeo testemuña deste GRAN DÍA!!
Recomendacións Lectoras Verán 2023
Mochilas Viaxeiras
Aquí están os traballos das libretas das Mochilas Viaxeiras do 2º e 3º ciclos que levaron a cabo durante todo o curso.
Booktubers
Daniela volve para recomendarnos un libro que lle gustou moito. Grazas!
II CONCURSO DE CARTEIS (organizado pola Comisión de Festas Cachafeiro-Freixeira)
Este ano participamos no II Concurso de Carteis organizado pola Comisión de Festas de
Cachafeiro – Freixeira.
O debuxo gañador será portada do libro da Comisión de Festas deste ano.
Concederon 3 distincións e no noso centro recaeu o 3º premio. PARABÉNS a Martina Couceiro Constenla polo seu debuxo.
Deixámosvos un enlace onde podedes ver os tres traballos gañadores e os seus diplomas.
Lembramos que todos os debuxos serán expostos polas árbores da carballeira o día 1 de xullo.
https://www.instagram.com/p/CtHGkBLN96x/?igshid=MTc4MmM1YmI2Ng==
Mochilas Viaxeiras
Rematando o curso escolar empezamos a recibir de volta as Mochilas Viaxeiras que visitaron as casas do noso alumnado durante este curso. Os primeiros en devolvelas foron Educación Infantil e o 1º ciclo de Educación Primaria. Aquí vos deixamos os traballos das libretas desas mochilas que con tanto agarimo fixeron coas súas familias.
LETRAS GALEGAS: 17 de maio do 2023
Con motivo da celebración das Letras Galegas, coñecimos a vida e obra do autor homenaxeado este ano 2023: FRANCISCO FERNÁNDEZ DEL RIEGO.
Nesta tarefa o alumnado para coñecer a este autor tivo que convérterse en artista e deseñar unha caricatura, logo coas dúas premiadas confeccionamos marcapáxinas que repartimos polo pobo. Os máis maiores do centro tiveron que programar e traballar coa robótica para acceder a diversa información sobre a vida e obra do autor.
Temos que agradecer a Francisco Fernández del Riego todo o amor e traballo que realizou en prol de Galicia.
AQUÍ VAI A NOSA HUMILDE HOMENAXE
<
Tamén se traballou este día dende Educación Física.
Coincidindo coa celebración das Letras Galegas levouse a cabo, dende a área de educación física, a aprendizaxe dun baile galego. Neste caso a canción que interpretaron é a muiñeira de Chantada.
ESPERAMOS QUE VOS GUSTE!!
PABLO SEOANE
O xoves 11 de maio contamos no centro coa compañía de Pablo Seoane.
Grazas a este gran gaiteiro, desfrutamos dunha xornada de aprendizaxe lúdico onde Pablo nos sumerxiu na maxia da nosa música tradicional e popular.
Podedes ver unhas imaxes deste CONCERTO-CHARLA DIDÁCTICA SOBRE INSTRUMENTOS POPULARES E TRADICIONAIS.
DÍA DO LIBRO: 24 DE ABRIL DO 2023
O día 24 de abril, algúns membros da ANPA Meixoeiro, achegáronse ao centro para facernos unha visita nas nosas aulas e traernos o mellor agasallo do mundo: UN LIBRO, un amigo!!!!
Premede nos diferentes botóns interactivos para ver imaxes desta marabillosa visita:
MOITAS GRAZAS A ANPA!!!