Durante todo o mes de Abril estivemos investigando moito sobre o lugar que visita Willy Fog despois de pasar por Reino Unido e Exipto, concretamente sobre… a INDIA!!!!

O noso alumnado xunto cos seus profes traballou arreo e descubriu moitas cousas que hoxe nos presentaron, así, descubrimos cal é a súa bandeira e seu significado, datos de interés como a súa moeda, a hora, a poboación que ten, … monumentos destacables, personaxes famosos da India, e o festival Holi.

E como todo traballo ten a súa recompensa…tamén fixemos unha pequena recreación dun festival Holi, na que pasámonolo en grande!!!!

Agora so temos que agardar a ver cal será a nova parada de Fog…

Votádelle unha ollada a algunhas das fotos de hoxe.

Xa case nos esquecíamos pero…

Continuamos viaxando arredor do mundo seguíndolle a pista a Willy Fog.

Despois de estar algo máis dun mes investigando e buscando información, fai unhas semanas tocounos facer a exposición dos traballos.

Nesta ocasión a parada foi en Exipto e ¡como non!…temos que felicitar ao noso alumnado porque fixo uns traballos impresionantes.

Xa estamos montando a Guía de Viaxe para que rule por tódalas clases.

O pasado venres, tod@s os rapaces e rapazas do noso cole, expuxeron os seus traballos de investigación sobre Reino Unido (Londres). Traballaron moitísimo e aprenderon outro tanto. Parabéns rapaces e profes!!!!!

Deixámovos unhas fotos do acontecido.

Dende o equipo de biblioteca e o equipo de Normalización e Dinamización da Lingua Galega, temos o gusto de presentar un novo proxecto mediante o cal a través da historia “A volta ao mundo en 80 días“, de Julio Verne, visitaremos, investigaremos e coñeceremos máis sobre os países e cidades que visita o protagonista da historia.

Dita experiencia, proporcionará un gran descubrimento tanto a nivel intelectual como cultural e social.

A continuación deixamos algunhas das fotos da presentación do proxecto, na celebración do Día das Bibliotecas, o 23 de outubro.