O Samaín está cada vez máis preto e no cole estamos a preparar unha sorpresa moi especial: imos gravar unha coreografía con todo o alumnado!
Para que ese día saia xenial, deixámosvos aquí o vídeo coa coreografía. Pedímosvos que practiquedes na casa para que todos e todas poidamos bailar xuntos o día da gravación.
Moitas grazas pola vosa colaboración e por formar parte desta actividade tan divertida!
Premede no vídeo, aprendede os pasos e… a bailar con moito espírito de Samaín!
Este curso celebrarémolo o martes 31 de outubro, pero nestas semanas previas propoñémosvos varias actividades relacionadas coa decoración e ambientación do colexio:
1ª CREACIÓN DE VASOIRAS TERRORÍFICAS:
2º TALLERES DE MANUALIDADES TERRORÍFICAS:
3ª “AS ORDES DE ÓSIÑOS”
E…como xa queda menos para o Samaín, xa apareceu polo colexio o noso amigo “Ósiños” que como cada ano por estas datas, axúdanos a estar TERRORÍÍÍÍÍFICOS!!!!!
As ordes deste ano son:
Estamos desexando vervos o luns!!!!
E VELAQUÍ VOS DEIXAMOS UNHA PRESENTACIÓN ONDE SE PODEN VER OS RESULTADOS DESTAS TRES PROPOSTAS:
O fin da festa foi o propio día 31 de outubro onde o alumnado se repartiu en grupos internivel para realizar diversos talleres:
– Obradoiro de cociña terrorífica: neste obradoiro leváronse a cabo a creación de diversos platos para crear merendas terroríficamente ricas e divertidas.
– Obradoiro da escuridade: o obxectivo deste obradoiro foi levar a cabo a creación dun monstro xuntando as pezas que o alumnado foi descubrindo na penumbra da aula coa axuda dunha lanterna.
– Obradoiro de texturas noxentas: neste obradoiro o alumnado debía atopar un número exacto de bichos, somerxendo as mans nas diferentes caixas que contiñan texturas noxentas.
– Obradoiro de xogos activos: o obxectivo principal deste obradoiro foi promover o exercicio físico nos nenos e nenas a través de diversos xogos con temática de Samaín.
– Obradoiro de robótica: neste obradoiro leváronse a cabo diferentes actividades relacionadas coa aprendizaxe da programación para que o alumnado vaia adquirindo certas destrezas no mundo da programación informática e a robótica educativa.
O alumnado do CEIP Soutelo de Montes festexou o Samaín cunha intensa xornada cargada de actividades. Algunhas das tarefas que se levaron a cabo foron: “As ordes de Osiños”, creación do “Monstro Mafú”, “As verbas do Samaín”, exhibición de disfraces, mostra de cabazas, actividades dende a aula de AL, Escape room de terror e varios retos terroríficos para poder descifrar unha mensaxe final.
Estas son as instrucións xunto cos enlaces para realizar unha xincana que fixemos o día de Samaín. Preme sobre: XOGO SAMAÍN para poder ver o deseño da tarefa e as solucións.
Este Samaín foi tan terrorífico que o noso alumnado non puido parar de berrar. Que berro vos dá máis medo? Votade nos comentarios poñendo o nome do/a alumno/a que máis terror vos causa.
ESTE ANO, COMO NON PUIDEMOS CELEBRAR ESTA DATA TAN ESPECIAL TODOS XUNTOS, TAL E COMO VIÑAMOS FACENDO EN CURSOS PASADOS, TIVEMOS QUE AXUDARNOS DAS NOVAS TECNOLOXÍAS, E COA AXUDA DE PADLET, CONECTÁMONOS AS CATRO AULAS DO CENTRO PARA XOGAR AO XOGO DE XESTOS, E ASÍ REPASAMOS O LÉXICO TÍPICO DESTA FESTA TAN DIVERTIDA.
Deixamos aquí o Padlet para que comprobedes o noso inxenio, tanto á hora de xestualizar, como de adiviñar os xestos dos meus compañeiros e compañeiras.
Xa se achega unha das datas máis terroríficas do curso:O SAMAÍN!!!
Este ano celebrarémolo o mércores día 30 de outubro, pero uns días antes xa se empeza a respirar un ambiente un pouco terrorífico no cole:
Como cada ano, as familias que así o desexen poderán traer decorada a súa cabaza da casa e o mércores 30, o alumnado que queira, poderá vir disfrazado cunha temática relacionada con esta tradicional festa.
Chegou o día, e coma sempre, a creatividade das familias non deixa de sorprendernos tanto na decoración de cabazas como no diseño dos disfraces. Aquí está a proba:
Durante este curso imos traballar as emocións e que mellor oportunidade que o SAMAÍN para analizar os nosos MEDOS,NOXOS, ASOMBROS…
Aquí vos deixamos un blogue onde reflectimos dalgunha maneira as emocións máis presentes do Samaín:
AS EMOCIÓNS DO SAMAÍN
E, para rematar este emocionante día, nada mellor que un postre terrorífico:
COULANT DE CHOCOLATE sobre SANGUE (marmelada de arándanos)
elaborado polo alumnado de 5º e 6º de Primaria e baixo a supervisión do noso CHEF: RUBÉN.
No centro, xa cheira a…. algo. Xa se respira e sente o TERROR!!!!
Botade unha ollada ao noso cole….
e sede pacientes que para o venres día 2 de novembro estamos preparando unha SORPRESA!!!
O venres día 2 de novembro celebramos o Samaín no cole.
Os disfraces eran TERRORÍÍÍÍÍFICOS!!!!
As cabazas que decoraron coa axuda das familias, seguen a sorprendernos. Hainas de todos os tipos e tamaños, algunhas desprenden terror puro e outras tenrura e mimo. Este ano triunfaron os efectos luminosos.
PARABÉNS, UN ANO MÁIS POR TANTA CREATIVIDADE!!!
Ao final do día como premio a tan bo traballo os profes Manolo e Miguel repartiron agasallos en envases típicos de…. Samaín!!!
MIRADE,MIRADE!!!
Este ano tivemos a sorte de contar coa axuda da profe Alba Vilariño, que estivo realizando o PRACTICUM III.
O Equipo da Biblioteca, xunto co EDLG e TICS deseñaron e produciron esta pequena curta como produto final a unha UDI sobre o Universo e que ademais traballa as orixes do Samaín. A dirección da mesma correu da conta da mesma Alba Vilariño.
Estade atentos, aquí hai de todo:
planetas, astronautas, asteroides, satélites, estrelas, matemáticos, músicos, e…todos eles participan nunha complicada trama que os leva dende…
