ENTROIDO 2026

No noso centro o Entroido é unha das celebracións máis esperadas. Este ano ademais estivemos acompañados por 5 mestres do CEI Ambrosio Diez Gómez de Cantabria, e como sempre contamos coas mostras de cariño e alegría dos veciños de Soutelo e da nosa ANPA.

Este curso, seguindo o noso PDI de centro, os protagonistas foron os Invertebrados. O alumnado e profesorado traballou a reo, para confeccionar os disfraces e preparar o xa tradicional desfile polas rúas de Soutelo, para así rematar na plaza do Gaiteiro acompañados polos veciños, familias  e a ANPA que sempre nos espera alí para agasallarnos cunha cunca de chocolate quente e un bo postre de Entroido. Este ano o noso alumnado deleitou a todos os presentes con diferentes coreografías acordes ao disfrace.

Aquí vos deixamos un vídeo con lembranzas deste día:

Ademais do desfile, este curso, os Invertebrados que se achegaron ao noso cole, faláronnos de como son as súas vidas e transmitíronnos unha chea de valores. Aconsellámosvos que lle botedes un ollo a tanta sabedoría: