Con outubro chegan as novidades á nosa biblioteca. Achegádevos pronto!
Recomendacións Lectoras
Aquí vos deixamos as recomendacións lectoras para o verán, esta vez en colaboración co CEIP Nosa Señora das Dores. Esperamos que vos gusten. Bo verán a tod@s!
DÍA MUNDIAL CONTRA O TRABALLO INFANTIL
12 DE XUÑO
“DÍA MUNDIAL CONTRA O TRABALLO INFANTIL”
O Día Mundial contra o Traballo Infantil celébrase o 12 de xuño de cada ano, co obxectivo de concienciar e denunciar a explotación infantil que se produce en moitos países do mundo, onde os nenos se ven obrigados a traballar, negándolles todos os dereitos á educación, saúde e unha vida plena que permita o seu desenvolvemento e benestar integral.
En 2015, os líderes mundiais adoptaron os Obxectivos de Desenvolvemento Sostible (ODS), cun compromiso renovado para acabar co traballo infantil. En particular, o obxectivo 8.7 pídelle á comunidade internacional que:”… adopte medidas inmediatas e eficaces para erradicar o traballo forzoso, acabar coas formas contemporáneas de escravitude e trata de persoas e garantir a prohibición e eliminación das peores formas de traballo infantil, incluíndo recrutamento e utilización de nenos soldados e, para 2025, acabar co traballo infantil en todas as súas formas”.
SE ESTÁN CANSOS QUE SEXA SÓ DE XOGAR.
Día da Letras Galegas
O alumnado do 5º e 6º cursos quixo render homenaxe a Florencio M. Delgado Gurriarán con este poema extraído do Cancioneiro da Loita Galega, obra na que colaborou o escritor valdeorrés.
FELIZ DÍA DAS LETRAS GALEGAS 2022
LETRAS GALEGAS 2022
LETRAS GALEGAS 2022
FLORENCIO M. DELGADO GURRIARÁN
Florencio Manuel Delgado Gurriarán 
Florencio Manuel Delgado Gurriarán, nado en Córgomo (Vilamartín de Valdeorras) o 27 de agosto de 1903 e finado en Fair Oaks (California) o 14 de maio de 1987, foi un avogado e poeta galego. En México fundou a revista Vieiros, con Luís Soto e Carlos Velo, a Fundación do Padroado da Cultura Galega, a Irmandade Galeguista e o Ateneo de Galicia. A súa obra está recollida nos libros Bebedeira (1934), Galicia infinda (1963), Cantarenas. Poemas (1934-1980) (1981) e O soño do guieiro (1985). Encargouse da selección e tradución de poemas franceses incluídos en Poesía inglesa e francesa vertida ao galego (1949) e da tradución de Cemiterio mariño de Paul Valéry.
A Real Academia Galega acordou dedicarlle o Día das Letras Galegas do ano 2022 tendo en conta catro aspectos fundamentais: a súa obra poética, catro libros con diferentes rexistros; a súa defensa e militancia a prol dos valores democráticos nun tempo adverso que el mantivo acesos mesmo nas angosturas do desterro; as terras de Valdeorras, coa súa cultura, tradicións, patrimonio histórico (material e inmaterial) e lingua; o entusiasmo, a colaboración, a demanda explícita que as institucións e as xentes dos concellos e as asociacións de Valdeorras lle transmitiron á Academia para que o ano 2022 fose o Ano Florencio Delgado.
Utilizou, en escritos de prensa ou revistas, varios pseudónimos: Korgomófilo, Nadel, Porto do Río, Xan do Sil, Sil e R. Miño.
Día do Libro
Co gallo do Día do libro, o luns 25 de abril, o alumnado de Educación Primaria trouxo ó cole o seu libro favorito para emprestarllo a un compañeiro. O empréstito foi acompañado dunha rosa que elaboraron durante a semana anterior. Aquí tedes un vídeo que recolle o intercambio de agasallos.
NOVIDADES
Ola a tod@s! Xa chegaron á biblioteca as últimas novidades. Vide canto antes dar conta delas!
DÍA DO LIBRO
23 DE ABRIL DE 2022
O Día do Libro e do Dereito de Autor é un acontecemento anual que se celebra o 23 de abril.
As orixes da festa do libro están ligadas a Cataluña e á celebración do Sant Jordi (San Xurxo), cando era costume que os homes agasallasen as mulleres cunha rosa e estas o fixesen cun libro.
A UNESCO (Organización das Nacións Unidas para a Educación, a Ciencia e a Cultura) decidiu celebrar conxuntamente o Día do Libro e do Dereito de Autor atendendo á casualidade de que a morte de Cervantes (o 23 de abril de 1616) se correspondía coa data do aniversario do nacemento e morte de William Shakespeare.
“ O QUE LE MOITO E ANDA MOITO, VE MOITO E SABE MOITO.” CERVANTES.
21 DE MARZO “DÍA DA ÁRBORE”
As árbores son plantas maxestosas con talos leñosos que levan máis de 300 millóns de anos. De feito, un estudo realizado pola Universidade de Yale estima que había uns 3.000 millóns de árbores na Terra, aínda que este número reduciuse nun 46% desde o inicio da civilización humana, perdendo uns 15.000 millóns de copias anuais.
Non hai que esquecer que as árbores, ademais de ser esenciais para o desenvolvemento dos ecosistemas, tamén xogan un papel fundamental na produción de osíxeno e na redución dos niveis de dióxido de carbono na atmosfera. Así, é a nosa responsabilidade como habitantes deste planeta coidar e protexer as árbores.
“Cando arden as árbores, deixan no aire un cheiro a corazón roto”
