O pasado día 10 estivemos de celebración…
A FESTA DO MAGOSTO é unha das datas máis agardadas polos pequenos e non tan pequenos…
Fixemos unha chea de xogos e foi unha xornada moi divertida na que, o que máis ou menos, quedou pintadiño de negro…
Comemos un xantar moi rico e de sobremesa as castañas asadas!!!!
Na presentación podedes comprobar o ben que o pasamos:
Pola tarde, organizamos na biblioteca un xogo moi divertido co léxico propio desta festa que tanto nos gusta:
O ROSCO DO MAGOSTO
O 31 de outubro celebramos o Samaín no noso centro.
Ímosvos amosar que terrorífico está o colexio. Este ano contamos coa axuda das familias que decoraron mazarocas de millo. Quedaron moi ben!!!
PARABÉNS FAMILIAS!!!
CANTA CREATIVIDADE!!!
Pero se falamos de creatividade e imaxinación, temos que ver aos nosos rapaces e rapazas, que este ano traballaron a emoción do medo con moito éxito.
MIRADE, MIRADE!!!
O día 24 de outubro é o día das bibliotecas escolares. Cada ano encárgaselle a unha persoa o deseño dun cartel que plasme a esencia dunha biblioteca.
Este ano o lema era: “Aprender a pensar coa biblioteca escolar”.
O cartel que interpreta este lema foi creado por Xosé Tomás e pretende visualizar os diferentes espazos, recursos, actividades… que nos pode brindar a biblioteca.
O día 24 de outubro celebramos o Día das Bibliotecas no noso centro.
Ás 12:00 contamos cun convidado máxico…siii…porque LE GRAND MARTÍN acompañounos durante unha horiña na que disfrutamos cun montón de xogos e trucos de maxia que nos preparou. Moitísimas grazas!!!
Logo repartimos os carnets a todo o alumnado para que podan empezar a gozar cos préstamos e por último, entregamos as mochilas viaxeiras para que comecen a vivir aventuras!!!
Na montaxe poderedes ver unhas fotiños do día.
E para rematar, deixamos na nosa biblioteca unha pegada moi importante: con creatividade e imaxinación plasmamos o que nos gusta da nosa biblioteca e o que aprendemos nela.
MIRADE, MIRADE, QUE FERMOSA NOS QUEDOU A NOSA ÁRBORE!!!
Veña que arrancamos xa…!!!
Este curso 2017/2018 este blogue está un pouco diferente xa que presentamos como novidade a incorporación a este sitio web do Equipo de Dinamización da Lingua Galega (EDLG).
Supoñemos que pasariades unhas estupendas vacacións e que viredes coas pilas cargadas para poñer en marcha este novo curso cheos de novos proxectos e sobre todo de moita ilusión.
BENVIDOS A TODOS E TODAS!!!
Pinchando sobre a imaxe poderedes botarlle unha ollada ao calendario escolar do próximo curso
O alumnado e profesorado do CEIP de Soutelo de Montes adiantámonos á celebración do día do libro e fíxemonos un selfie con libros que teñen un significado especial, cos libros favoritos ou cos que están a ler. Animádesvos a deixar comentarios sobre os vosos libros favoritos ou que queirades recomendar por algunha razón?
O pasado 24 de outubro de 2016 celebramos o Día da Biblioteca coa presentación do lapbook elaborado polos nosos nenos e nenas sobre a China, continuando así coa nosa volta ao mundo particular que comezamos o curso pasado como proxecto de biblioteca.
Aquí tedes unha mostra do ben que nos quedou o lapbook e tamén do que moito que disfrutamos aprendendo cousas novas.
