DÍA DE ROSALÍA 

Durante o segundo trimestre en Infantil e Primaria traballamos a figura de Rosalía de Castro. Coñecemos a súa vida, a súa obra e algúns dos seus versos máis coñecidos. Despois, puxemos mans á obra e estampamos a súa cara en camisetas con tinta de tea, decorándoas ao noso gusto. O alumnado maior completounas escribindo por detrás os seus versos preferidos. Un xeito ben bonito de achegarnos a Rosalía desde a aprendizaxe e a creatividade. A través destes traballos realizados coa poesía de Rosalía o alumnado aprende a expresar diferentes emocións e a captar as dos demais.

Aquí vos deixamos unhas imaxes do traballo: