Autor: Uxía Pérez Míguez
LETRAS GALEGAS 2022
LETRAS GALEGAS 2022
FLORENCIO M. DELGADO GURRIARÁN
Florencio Manuel Delgado Gurriarán 
Florencio Manuel Delgado Gurriarán, nado en Córgomo (Vilamartín de Valdeorras) o 27 de agosto de 1903 e finado en Fair Oaks (California) o 14 de maio de 1987, foi un avogado e poeta galego. En México fundou a revista Vieiros, con Luís Soto e Carlos Velo, a Fundación do Padroado da Cultura Galega, a Irmandade Galeguista e o Ateneo de Galicia. A súa obra está recollida nos libros Bebedeira (1934), Galicia infinda (1963), Cantarenas. Poemas (1934-1980) (1981) e O soño do guieiro (1985). Encargouse da selección e tradución de poemas franceses incluídos en Poesía inglesa e francesa vertida ao galego (1949) e da tradución de Cemiterio mariño de Paul Valéry.
A Real Academia Galega acordou dedicarlle o Día das Letras Galegas do ano 2022 tendo en conta catro aspectos fundamentais: a súa obra poética, catro libros con diferentes rexistros; a súa defensa e militancia a prol dos valores democráticos nun tempo adverso que el mantivo acesos mesmo nas angosturas do desterro; as terras de Valdeorras, coa súa cultura, tradicións, patrimonio histórico (material e inmaterial) e lingua; o entusiasmo, a colaboración, a demanda explícita que as institucións e as xentes dos concellos e as asociacións de Valdeorras lle transmitiron á Academia para que o ano 2022 fose o Ano Florencio Delgado.
Utilizou, en escritos de prensa ou revistas, varios pseudónimos: Korgomófilo, Nadel, Porto do Río, Xan do Sil, Sil e R. Miño.
Día do Libro
Co gallo do Día do libro, o luns 25 de abril, o alumnado de Educación Primaria trouxo ó cole o seu libro favorito para emprestarllo a un compañeiro. O empréstito foi acompañado dunha rosa que elaboraron durante a semana anterior. Aquí tedes un vídeo que recolle o intercambio de agasallos.
NOVIDADES
Ola a tod@s! Xa chegaron á biblioteca as últimas novidades. Vide canto antes dar conta delas!
DÍA DO LIBRO
23 DE ABRIL DE 2022
O Día do Libro e do Dereito de Autor é un acontecemento anual que se celebra o 23 de abril.
As orixes da festa do libro están ligadas a Cataluña e á celebración do Sant Jordi (San Xurxo), cando era costume que os homes agasallasen as mulleres cunha rosa e estas o fixesen cun libro.
A UNESCO (Organización das Nacións Unidas para a Educación, a Ciencia e a Cultura) decidiu celebrar conxuntamente o Día do Libro e do Dereito de Autor atendendo á casualidade de que a morte de Cervantes (o 23 de abril de 1616) se correspondía coa data do aniversario do nacemento e morte de William Shakespeare.
“ O QUE LE MOITO E ANDA MOITO, VE MOITO E SABE MOITO.” CERVANTES.
21 DE MARZO “DÍA DA ÁRBORE”
As árbores son plantas maxestosas con talos leñosos que levan máis de 300 millóns de anos. De feito, un estudo realizado pola Universidade de Yale estima que había uns 3.000 millóns de árbores na Terra, aínda que este número reduciuse nun 46% desde o inicio da civilización humana, perdendo uns 15.000 millóns de copias anuais.
Non hai que esquecer que as árbores, ademais de ser esenciais para o desenvolvemento dos ecosistemas, tamén xogan un papel fundamental na produción de osíxeno e na redución dos niveis de dióxido de carbono na atmosfera. Así, é a nosa responsabilidade como habitantes deste planeta coidar e protexer as árbores.
“Cando arden as árbores, deixan no aire un cheiro a corazón roto”
21 DE MARZO “DÍA MUNDIAL DA POESÍA”
A UNESCO adoptou o 21 de marzo como Día Mundial da Poesía durante a súa 30ª Conferencia Xeral en París en 1999, co obxectivo de apoiar a diversidade lingüística a través da expresión poética e promover a visibilidade daquelas linguas en perigo. “O Día Mundial da Poesía”, dise, “é unha ocasión para honrar aos poetas, revivir as tradicións orais dos recitais poéticos, promover a lectura, a escritura e o ensino da poesía, fomentar a converxencia entre a poesía e outras artes como o teatro, a danza, a música e pintura, e aumentar a visibilidade da poesía nos medios”.
En 2022: Poesía pola Paz
O 21 de marzo de 2022 coincidirá cun dos momentos máis duros do século XXI: despois dunha grave crise económica e dunha terrible pandemia, aínda sen resolver, unha guerra ás portas de Europa lémbranos outros graves conflitos armados noutros lugares do planeta.
Por iso, o Día Mundial da Poesía 2022 celebrarase en moitos lugares con poemas pola paz, co fin de manter a esperanza e ofrecer consolo en tempos tan duros.
NOVIDADES
A primavera trae novidades a nosa biblioteca, vide botarlles unha ollada!
8 de marzo: Día Internacional da Muller
Aquí tedes o noso traballo polo Día Internacional da Muller. Grazas a todas as mulleres da nosa comunidade educativa que participaron!
8 DE MARZO DE 2022, DÍA INTERNACIONAL DA MULLER
O Día Internacional da Muller, orixinalmente coñecido como Día Internacional da Muller Traballadora, conmemorado cada 8 de marzo e recoñecido pola ONU como unha xornada para reivindicar a igualdade e de facer balance sobre a situación das mulleres na sociedade, é xornada recoñecida nalgúns países. Tradicionalmente, grupos e asociacións de mulleres militantes no feminismo ou no movemento obreiro preparan manifestacións, por veces utilizando o nome orixinal, por todo o mundo, para facer ver as súas reinvindicacións co fin de mellorar as condicións da muller, festexar os avances e loitar pola superación dos atrancos. Comezou a ser celebrado pola ONU en 1975 para, finalmente, adoptar unha resolución, en 1977, na que establece un Día das Nacións Unidas para os Dereitos das Mulleres e a Paz Internacional.
