Hoxe é o Día das Escritoras e para celebralo o alumnado de 3º, 4º, 5º e 6º de primaria elaboraron unhas fichas para coñecer un pouquiño máis ás escritoras presentes na nosa biblioteca. Este é o resultado:
Ademais, fixemos unha selección dalgúns dos libros destas autoras para expoñer. Seguro que terán moito éxito entre todos os nenos e nenas.
Volvemos á biblioteca con máis ilusión que nunca e cunha chea de novidades para vós. Agardo que vos gusten!
Chegou o día tan esperado por todos: O DÍA DE FIN DE CURSO
Hoxe, ao igual que anos anteriores, foi un día de ledicia no colexio, xogamos, divertímonos moito, tanto os nenos e nenas como os mestres e mestras.
Foi un día coma sempre moi especial onde se mesturan momentos de alegría e moitas risas con momentos de nerviosismo e nostalxia por diversos motivos. Un deles foi despedir ao noso alumnado de 6º de Primaria que comeza unha nova etapa na que lle desexamos toda a sorte do mundo. Moitas grazas por regalarnos tantas cousas en todos estes anos que estivestes no Ceip Soutelo de Montes. Grazas por loitar, por non rendirvos nunca, grazas polos vosos sorrisos e tamén polas vosas bágoas, polo voso esforzo e polo voso comportamento, en definitiva GRAZAS POR ENSINARNOS TANTO!!!
MOITAS GRAZAS: MARTINA, UXÍA, DUNIA E MARCOS
AQUÍ VOS DEIXAMOS A SÚA ORLA
E AQUÍ PODEDES OLLAR UNHAS IMAXES DESTE DÍA
Agradecemos moito toda a comprensión e boa disposición das familias neste curso tan complicado para todos-as.
O CEIP SOUTELO DE MONTES DESÉXAVOS A TODOS: UNHAS FELICES VACACIÓNS!!!
Este é un gran traballo feito polo alumnado do CEIP Soutelo de Montes e polo alumnado do CPI Atios de Valdoviño.
Na seguinte presentación, primeiro, veredes unha parte de documentación sobre dous aspectos: AS REGUEIFAS e a escritora XELA ARIAS (autora homenaxeada este ano 2021 no día das Letras Galegas)
Nesta documentación e actividades baseáronse os alumnos e alumnas para logo regueifar sobre a vida e obra de Xela Arias, conseguendo así un doble obxectivo que é: acercarnos a esta marabillosa tradición oral da cultura galega (as regueifas), e coñecer a esta autora innovadora e trangresora. Na parte final da presentación poderedes ver os vídeos das regueifas compostas e cantadas polo alumnado e mesmo tamén por algunhas mestras.
Non perdades a oportunidade de apreciar un traballo tan completo e ao mesmo tempo divertidísimo. Estamos seguros de que a moitos dos alumnos e alumnas lles van quedar as regueifas e a obra de Xela Arias nun recantiño dos seus corazóns, que é onde os coñecementos perduran para sempre.
PARABÉNS AO ALUMNADO DOS DOUS CENTROS EDUCATIVOS!!!
O próximo luns, 17 de maio, celebramos o sempre esperado Día das Letras Galegas e nós xa estamos preparados! Na biblio tedes á vosa disposición libros relativos ás diferentes figuras ás que se lle adicou este día os últimos anos resaltando os da homenaxeada neste 2021: Xela Arias. Agardo a vosa visita!
Coa primavera chegan novas lecturas á nosa biblioteca. Vide axiña poñervos ao día!!!
Estade atentos que imos publicar proximamente o traballo do día do libro.
Aí vai unha pista: trátase do segundo libro máis traducido do mundo, e é español. A mesmísima Xela Arias traduciuno ao galego.
ADIVIÑA…ADIVIÑANZA…
A aula de Educación Infantil compuxo e realizou o cartel de presentación deste día.
A aula de 1º e 2º de Primaria achegounos unha versión propia de “D. Quixote”.
A aula de 3º e 4º fixo o mesmo co autor da obra: “Miguel de Cervantes”.
“Na semana do Día do libro o alumnado de 5° e 6° leu unha versión adaptada do Quixote. Íanse turnando para ler en alto e os demais seguían con atención aos seus compañeiros para poder contestar preguntas relacionadas coa lectura. Gustoulles tanto que están desexando ler a segunda parte”.
Ao rematar esta parte do traballo de acercamento ao Quixote, o alumnado maior do cole fixo unha tradución ao galego desta versión da obra e unha posterior lectura aos compañeiros, achegando así ao alumnado a unha parte do traballo de tradución que a mesmísima Xela Arias fixera coa obra orixinal.
MIRADE ESTE VÍDEO ONDE SE PODE APRECIAR O TRABALLO DE CADA AULA:
Con motivo do día da muller traballadora, entre o alumnado de 3º,4º,5º e 6º do Ceip Nosa Señora das Dores e o alumnado do noso centro creamos un Padlet para xogar a QUEN É A PIONEIRA?
É un xogo parecido ao: “Quen é quen?”, pero con mulleres Pioneiras de Galicia. Os debuxos e a información recollida nas fichas enlazadas as imaxes foi elaborada polo alumnado dos dous centros, baseándose nos dous libros da Editorial Xerais:
“Pioneiras galegas que abriron camiño”
e “Pioneiras 2”
A finais do trimestre xogaremos entre os dous centros por videoconferencia.
Por se alguén máis se anima a xogar as instrucións están escritas no Padlet que vos mostramos a continuación:
Ademais deste xogo, nesta mesma semana do 8 ao 12 de marzo, tivemos unha visita moi especial que queremos agradecer tanto ao Concello de Forcarei como a Basilisa Fiestras.
O concello de Forcarei decidiu facer unha homenaxe ás mulleres do seu concello, e para iso, encargou á artista forcareicense un mural que poderedes ver a continuación e que está nas paredes do pavillón municipal Paco Rubio. Esta obra pon de manifesto o papel da muller na historia e na cultura do noso concello.
Se queredes saber máis sobre a historia deste mural, as mulleres que están representadas, ou algunha outra curiosidade, deixámosvos un enlace á páxina do Concello, para que vos informedes.
No colexio tivemos a gran oportunidade de recibir a Basilisa Fiestras, que nos contou a historia dalgunha destas mulleres e algún segredo sobre a simboloxía do mural.
Aproveitando a súa presenza, tamén nos puxo en coñecemento doutras obras súas. Algunhas das que máis gustaron ao noso alumnado foron as esculturas e un vestido feito con lambonadas:
MOITÍSIMAS GRAZAS, BASILISA, FOI UN PRACER COÑECER A UNHA ARTISTA DO NOSO CONCELLO!!!
ESPERAMOS QUE VOLTES AXIÑA POLO NOSO COLEXIO!!!
A temática escollida este ano para a celebración do Entroido consiste en facer unha análise detallada de 4 disfraces típicos galegos (un de cada provincia e explicado un por cada aula):
EDUCACIÓN INFANTIL: O OSO DE SALCEDO (Pobra de Brollóns, en Lugo)
AULA DE 1º e 2º de PRIMARIA: OS BOTEIROS DE VIANA DO BOLO (Ourense)
AULA DE 3º e 4º de PRIMARIA: AS MADAMAS DE COBRES(Vilaboa, Pontevedra)
AULA DE 5º e 6º de PRIMARIA: OS XENERAIS DO ULLA (Comarca do Ulla, A Coruña)
A análise será artística: recreación do disfraz.
Literaria: explicacións descritivas e recitado de coplas.
(Agradecementos á Asociación “Vello dos Cornos” de Merza, Viladecruces pola súa colaboración no disfraz do Xeneral do Ulla)
Ademais deixámosvos un vídeo onde recollemos as imaxes do alumnado que nos mandou as súas fotos disfrazados na súa casa este Entroido:
MOITAS GRAZAS A TODO O ALUMNADO E PROFESORADO POR COMPARTIR AS SÚAS FOTOS CON NÓS
