Pinchando sobre a imaxe poderedes botarlle unha ollada ao calendario escolar do próximo curso
Día das Letras Galegas 17 de maio de 2017
Continuamos viaxando, desta volta toca Xapón
23 de abril día internacional do Libro
O alumnado e profesorado do CEIP de Soutelo de Montes adiantámonos á celebración do día do libro e fíxemonos un selfie con libros que teñen un significado especial, cos libros favoritos ou cos que están a ler. Animádesvos a deixar comentarios sobre os vosos libros favoritos ou que queirades recomendar por algunha razón?
Novidades!
24 de outubro Día da Biblioteca
O pasado 24 de outubro de 2016 celebramos o Día da Biblioteca coa presentación do lapbook elaborado polos nosos nenos e nenas sobre a China, continuando así coa nosa volta ao mundo particular que comezamos o curso pasado como proxecto de biblioteca.
Aquí tedes unha mostra do ben que nos quedou o lapbook e tamén do que moito que disfrutamos aprendendo cousas novas.
Terceira parada no nosa volta ao Mundo.
Durante todo o mes de Abril estivemos investigando moito sobre o lugar que visita Willy Fog despois de pasar por Reino Unido e Exipto, concretamente sobre… a INDIA!!!!
O noso alumnado xunto cos seus profes traballou arreo e descubriu moitas cousas que hoxe nos presentaron, así, descubrimos cal é a súa bandeira e seu significado, datos de interés como a súa moeda, a hora, a poboación que ten, … monumentos destacables, personaxes famosos da India, e o festival Holi.
E como todo traballo ten a súa recompensa…tamén fixemos unha pequena recreación dun festival Holi, na que pasámonolo en grande!!!!
Agora so temos que agardar a ver cal será a nova parada de Fog…
Votádelle unha ollada a algunhas das fotos de hoxe.
Día do libro.
O pasado venres celebramos no noso cole o “Día do Libro”, por iso organizamos diferentes actividades como: o apadriñamento lector, o visionado dun vídeo sobre a historia de Miguel de Cervantes e a creación dunhas bolboretas nas que cada un de nós escribimos o noso libro favorito, os sentimentos que nos provoca e por qué é importante a lectura…
O conxunto de todas as actividades propostas resultou ser moi moi interesante e divertido.
Segunda parada na nosa volta ao Mundo!!!
Xa case nos esquecíamos pero…
Continuamos viaxando arredor do mundo seguíndolle a pista a Willy Fog.
Despois de estar algo máis dun mes investigando e buscando información, fai unhas semanas tocounos facer a exposición dos traballos.
Nesta ocasión a parada foi en Exipto e ¡como non!…temos que felicitar ao noso alumnado porque fixo uns traballos impresionantes.
Xa estamos montando a Guía de Viaxe para que rule por tódalas clases.