O mércores día 27 de marzo o alumnado de 3º e 4º, xunto con dúas mestras desprazouse a Pontevedra para desfrutar dunha obra de teatro de AFUNDACIÓN: “Bon Appetit”(dos Ghazafellos)
Gustounos moito, xa que mesturaba as receitas de Álvaro Cunqueiro con teatro, música, títeres e xogos de palabras nun enredo cheo de humor.
O martes 26 de marzo disfrutamos dunha nova xornada de deporte dentro do Xogade.
Esta vez tocounos ser os anfitrións e recibimos de moi boa gana aos nenos e nenas do CEIP San Xoán Bautista de Cededo-Cotobade.
Disfrutamos de fútbol, baloncesto e balonmán, nun ambiente moi deportivo, cun gran esforzo do alumnado pero á vez, e máis importante, nun ambiente de compañeirismo e deportividade.
MOI BEN POLO ALUMNADO DOS DOUS COLEXIOS!!!
O xoves 21 de marzo celebramos a chegada da primavera e o día da árbore facendo unha camiñata ata os montes comunales de Vilapouca.
A xornada estivo organizada polo DistritoForestal XVI xunto co CEIP de Soutelo de Montes e os comuneiros de Vilapouca. A primeira actividade consistiu nunha camiñata ata o monte comunal, unha vez alí realizamos diversas actividades guiados polos forestais, ao remate das mesmas xantamos todos xuntos convidados pola Mancomunidade de Montes de Vilapouca.
O alumnado participou con moito entusiasmo nas actividades propostas polas persoas do Distrito Forestal: plantación de especies autóctonas, regadío posterior, colocación de casas- niño, medición da altura e diámetro das árbores axudados das novas tecnoloxías. Como recompensa os nenos e nenas recibiron un agasallo: unha camiseta e unha bolsa.
AQUÍ PODEREDES VER IMAXES DE O BEN QUE O PASAMOS
FOI UN DÍA XENIAL!!!
DENDE O CENTRO QUEREMOS DAR AS GRAZAS TANTO AO DISTRITO FORESTAL XVI, COMO OS COMUNEIROS DE VILAPOUCA E PROMETER QUE O VINDEIRO ANO VOLTAREMOS CON MÁIS GANAS AÍNDA.
O venres día 8 de marzo, Día Internacional da Muller, dedicámosllo á ferrolá Ángeles Alvariño, a primeira muller en viaxar como científica nun buque oceanográfico. Fixemos diferentes actividades segundo o noso curso.
Os máis pequenos xunto co primeiro curso modelamos en plastilina as nosas propias especies mariñas inspiradas nas que descubriu Ángeles Alvariño.
O alumnado de 2º, 3º e 4º de primaria vimos un pequeno vídeo sobre a vida de Ángeles Alvariño e cubrimos unha ficha con estes datos. Aprendemos moitas cousas interesantes.
5º e 6º cursos lemos una pequena biografía sobre ela e localizamos nun mapa mundi os lugares nos que viviu, que son máis dos que poidades imaxinar!
Finalmente, puxemos as nosas experiencias en común e fixemos unha pequena exposición sobre Ángeles Alvariño nun recanto da nosa biblioteca. Que ben nos quedou!
Ratoteca invítanos a celebrar o Día Internacional da Muller ofrecendo a todo o alumnado a nosa colección de biografías de grandes mulleres e unha pequena selección de libros dalgunhas das máis importantes escritoras galegas de todos os tempos.
E… POR FIN… CHEGOU: “O ENTROIDO”
Este ano o Entroido non chegaba máis… pero ao final o 1 de marzo puidemos disfrutar desta marabillosa festa, e ademais o tempo permitiunos facer o xa tradicional desfile polo pobo. Estivemos cos veciños e veciñas, que como todos os anos saen das súas casas e negocios para vernos e regálannos caramelos e chuches.
Unha vez na praza, tomamos un chocolate quentiño que estaba boísimo, grazas a ANPA.
A temática deste ano estivo relacionada co proxecto que estamos a traballar sobre os mares e océanos: “MERGÚLLATE NA BIBLIOTECA”.
EDUCACIÓN INFANTIL: POLBOS
1º e 2º de PRIMARIA. PEIXES
3º e 4º de PRIMARIA: MEDUSAS
5º e 6º de PRIMARIA: BUZOS
TODOS XUNTIÑOS NA PRAZA DE SOUTELO
AQUÍ TEDES UN VÍDEO CON MÁIS IMAXES:
O 25 de febreiro recibimos unha visita fantástica:
“OS BOLECHAS”
Esta vez, viñéronnos a contar que son os RAEE: Residuos de Aparellos Eléctricos e Electrónicos.
Ademais de aprender un montón, pasámolo xenial, cantamos e rimos moito. Aquí vos deixamos un enlace á páxina web, para que teñades máis información sobre este tema que tanto nos debería importar, e así poderedes convertirvos en superheroes da reciclaxe e defensores do planeta.
PREMEDE NO ENLACE E PODEREDES PERTENCER AO MOVEMENTO RAEE DOS BOLECHAS E MESMO TER O CARNE DE SUPERHEROES RAEE:
E.. ollade, que ben o pasamos!!!
Despois de arrancar o proxecto “XOGADE” co xa tradicional CROSS, comezamos as competicións intercentros.
O xoves día 21 de febreiro acudimos a Forcarei, onde competimos moi ben e pasámolo xenial cos nosos compañeiros, amigos e veciños de Forcarei.
Aquí quedan unhas fotos para o recordo:
O día 15 de febreiro saímos do cole pola mañá e voltamos á tardiña. Esta saída está relacionada co proxecto que estamos a traballar este ano sobre “MERGÚLLATE NA BIBLIOTECA”. Pero non regresamos igual que marchamos. Nas nosas cabeciñas, trouxemos un montón de información que recibimos a través de todos os nosos sentidos: vimos moitas cousas, escoitamos relatos e informacións sorprendentes, tocamos e experimentamos, cheiramos e degustamos unha comida na compaña de todos os compañeir@s e profes. E tamén sentimos extraordinarias sensacións.
Pero… olládeo vós mesmos.
PRIMEIRA VISITA DA MAÑÁ: A DOMUS OU CASA DO HOME
PRIMEIRA VISITA DA TARDE: AQUARIUM OU CASA DOS PEIXES.
Como xa ben sabedes o día 30 de xaneiro celébrase:
O DÍA ESCOLAR DA NON VIOLENCIA E DA PAZ
No CEIP de Soutelo, este ano o alumnado estivo traballando no 1º trimestre o libro: “20.000 leguas baixo os mares”.
Escollemos oracións, expresións, situacións do libro e escribímolas na silueta do Nautilius (submarino do libro).
Distribuimos os submarinos polas distintas aulas, e cada neno ou nena, escribiu unha palabra ou oración curta sobre o que lle inspiraba o fragmento que lera. As palabras a favor da Paz puxéronas na silueta dun peixe de cores cálidas; e as inspiracións contrarias á Paz, en peixes de cores frías. Cada alumno e alumna decorou o seu peixiño.
O resultado final foi que o venres cada alumno e alumna levou o seu peixiño ao noso mar (un mural) pero…antes de comezar, tivemos que matinar un pouco, xa que o título do mural era un xeroglífico que había que descifrar.
De seguida, entre todos, conseguímolo!!!!
O alumnado de 5º e 6º tamén nos recitou uns fermosísimos poemas da Paz escritos en galego.
ASÍ ESTABA O MURAL ANTES DE COMEZAR:
PERO… SE OLLADES ESTE VÍDEO VEREDES COMO QUEDOU AO REMATAR, E TAMÉN ESCOITAREDES RECITAR UNS FERMOSOS VERSOS QUE FALAN DE PAZ
